قصة اليوم ( ســـــــــــــــــــــــــــــــــــــــــــــــــــــارة ) الجزء الثالث

كأنه وحش يمشي بالغرفة شفتوا حركة البسس لما تحط أظافرها بالفرش شتسوي هذي الحركة تسمعون صوت المخالب أسمعه كذا أسمع صوت المخالب تنشب في الفرش وقاعد يطلعهاما عمره مر عليا خوف مثل هذاك اليوم صرت أدعي وأدعي وأنا أرتجف  من الخوف ما ألتفت عليه والصوت واضح واضح وعالي ولا في مجال أصلا أقول إنه يتهيأ لي وجلست على هذا الوضع نص ساعة ما تحركت حركة وبعدين خلاص حسيت إنه باقي لي شوية وأنجن قلت لازم ألتفت وأشوف وألتفت تخيلوا ما في ولا شيء والصوت راح قمت من السرير ووقفت وأطالع ما في أحد في الغرفة إلا أنا من هول الموقف جلست رجولي ما عاد شالتني وسمعت ضحكة استهزاء من داخلي أنا وأعتقد إن المسحوريين يعرفون هذا الصوت اللي ينطلق من داخل الجسم من باطن الجسم طالعت في المراية وأقوم أضحك ضحك هستيري أضحك على نفسي قمة المهزلة ضحك لا إرادي بغيت أنهبل زيادة قمت صليت ركعتين من الخوف أبغى ربي يربط على قلبي أبغى نفسيتي تهدأ ما أدري كيف صليتها ما أدري إيش قلت فيها لكن كنت أدعي ربي يأمنني ورجعت حطيت رأسي ومسكني صداع مسكتني ضيقة الضيقة حست إنها روحي بتطلع أحس إن في أحد خانقني أحس مجرى النفس عندي مثل فتحة الإبرة النفس يمشي ببطءوالأكسجين خلاص انتهى قمت حطيت يدي وقمت أقرأ المعوذات وقمت أنفث على صدري كانت المرة الأولى اللي رقيت نفسي فيهابعدها سبحان الله كل شيء راح نمته أنا أقرأ ورحت في نوم عميق ما صحيت إلا الظهر وكأني كنت نايمة سنين طويلةقمت صليت الظهر كنت جالسة أحكي لعمتي إيش صار معايا ومن يومها وعمتي تنام عندي بالغرفة أتخيلوا كنت مستحية منها لكن اللي صار معايا مو سهل من تخويف ومتخيلاتهم ما كنت أدري إنها مجرد سراب وكنتي لهذيك اللحظة ما أدري إيش اللي صار لي ولا أدري إنهم شياطين يتلاعبون فيني انتهى شهر رمضان ورجعت لبيت أبويا وبديت أحس بتغير جذري فيني طبعا التحقت بدار تحفيظ قرآن بدأت أحفظ القرآن قوم الليل أصل لركعتين أو أكثر وأقرأ فيها من حفظي مع إني حفظي كان بسيط المهم لاحظت في قيام الليل وأنا أقرء الله يكرمكم يزيد لعابي حتى يصير كأنه شبيه بزبد البحر لكن برضه ما أعطيت الشيء هذا اهتمام كنت أدعي وأقول اللهم اشفي مرضى المسلمين اللهم فك السحر عن المسحورين بدأت أعراض السحر تنكشف كل يوم والثاني وألاحظ أشياء غريبة كان الجاثوم ملازمني بشكل مستمر أحلامي كانت أفلام رعب من الدرجة الأولى كنت أحس بأشياء تصحيني وأنا نايمة صرت أتعرض للتخويف إذا قمت أصلي في الليل كلها بس عشان ما أصلي قيام الليل ولا أدعي هذي الدعاء بس كنت سبحان الله ما التفت لهم وأصلي كنت أقول في نفسي هذا كله من الشيطان طبعا أنا ما كنت أقصد الجني كنت أقصد القرين يعني عشان ما أقوم أصلي لكني بأعانده وأصلي وبعدها خلاص صرت أتعب من قيام الليل بعد ما كانت راحتي الوحيدة فيه لأنه كان قيام الليل من أشد عذاب للجن صرت أتعب من الصلاةمن السنن من التحفيظ وهنا وقفت وقفة مع نفسي وقلت أنا فيني شيء مو طبيعي أنا ماني طبيعية وتذكرت لما أبوي قرأ علي وأنا قريت على نفسي وبديت أفكر بشكل جدي في الرقية وسبحانه مسبب الأسباب طحت في شغلة تتكلم عن الرقية الشرعية كل ما أقرأ أعراض ألاقيها فيني فقلت بسمع رقية وبشوف أنا أتأثر ولا لأ وفعلا فتحت الرقية وسمعتها وجات آية وبكيت بكا شديد طفيت الجهاز كتني مريضة فعلا وأحتاج للرقية ومرة الأيام وما كنت قادرة أقول لأبوي يوديني لشيخ ولا أني قادرة أقول له اقرأ عليه بتقولون أكيد غريبة يعني هو شك إنه أنت فيك شي ليش ما قرأ من نفسه ليش ما هو بادر بصراحة إلى الآن ما أعرف السبب قمت أتصفح وأقرأ كثير ناس يتكلمون عن سورة البقرة وأثرها في العلاج من العين وعلى فكرة أنا كنت أظن اللي فيني بس عين وإن العلاجها إن شاء الله سهل وبسيط وقلت مالي إلا أستعين بالله واقرأ سورة البقرة وأقرأها في قيام الليل والله إني شفت العجب أول يوم وأنا أصلي طحت مغمى عليا وأول ما صحصحت قمت توضيت وكملت وبعدها صرت أقوى وبدأت معايا الأحلام أكثر والتخويف أكثر من أول صرت من قوة تخويف والأحلام اللي تجيني ما كنت أنام إلا أبويا بنفسه ينام عندي من الشيء اللي شفته وبعد فترة صار إذا قرب وقت قومتي للصلاة في الليل تمسكني ضيقة وأجلس أصارخ وأتقلب كل يوم على هذا الحال ورغم الضيق والصراخ كنت أصبر نفسي وأقول يا سارة الفرج قريبب الله وأتشجع من نفسي وأقوم وجلست يا طويلين العمر على هذي الحالة شهر كامل وبعدها قرر أبويا إنه يوديني للشيخ يقرأ ليا ورحنا ومن أول جلسة نطق على لساني الشيطان اللي فيني أو الجني وقال إنها معيونة واللي عاينتها أم ناصر تتذكرونه أم الخطيب الأول وأصر أبويا إنه يدبر لي من وراها أثر وفعلا بعد عدة خطط جبنا أثرها وغسلت من أثرها والله العظيم صرخت صراخ عجيب قام أبويا كب كل المويه على جسمي وقمت بعدها حسيت إنه دوبي صاحية من النوم وإني خفيفةوكأني تنشطت وهذه علامات خروج العين أبويا بغى يبكي من الفرحة وجلس يحمد ربي ويشكره وتوقعت إني خلاص شفيت وصرت كويسة.      لكن الأعراض مازالت موجودة قلت لأبويا عنها وقال لازم نرجع للشيخ يقرأ عليك في خلال هذي الجلسة نطق جني السحر اللي فيني وسمعنا العجب رحنا للشيخ أنا وأبويا بعد صلاة العصر وبدأ الشيخ الرقيةالرقية أنا كنت واعية تماما مع أن بعض الأدعية تخليني أهتز كذا هزة بسيطة وأبويا جالس جنبي يسمع وبدأ الشيخ يقرأ قرآن وأنا ما زلت واعية لكني بدأت أتضايق وصرت مرهقة كأني كنت أركض أركض فترة طويلةوصرت أتنفس بسرعة وخفقان في قلبي بدأ بآيات السحر وبدأت انفصل عن الإدراك إلين ما صرت بين الوعي والإغماءحالة غريبة ما أعرف كيف أوصفها لكم مثل إذا جاك الجاثوم أو رؤية بين اليقظة والمنام بدأ الخبيث اللي فيني يتكلم طبعا يلعن يلعن ويسب في الشيخ وأحيانا استهزاء بالآيات اللهم لا حول ولا قوة إلا بالله استغفر الله يا ربي أبغى أنبهكم على شيء الجن كلامهم كذب ممكن يصدق واحد في كل ألف ما نصدقهم سأل الشيخ إيش ديانتك وأظنه قال إنه مسلم والله أعلم وقال إن السحر مربوط وما يعرف فين مكانه لكنها مستعد يعلم عن أسماء الأشخاص وهنا الشيخ ما أعطاه فرصة إنه يتكلم ويقول طنشة ورجع يقرأ ويكرر آيات السحر إلين ما أذن المغرب وصحيت على آذان المغرب وكنت في حالة ما يعلم فيها إلا رب السماوات والأرض كأني كنت أسوي أعمال شاقة يرجعنا للبيت وأنا في السيارة سألت أبويا إيش صار إيش قال الشيخ قال أبويا يمكن سحر والله وأعلم أنا هنا وقفت سحر كانت صدمة ما استوعبت سير لحظتها دار بيني وبين نفسي حوار مين اللي بيسحرني وعلى إيش.   يعني يعني معقولة انتقام أنا أصلا ما لي عداوات أنا من النوع اللي ما أحب المشاكل وأحاول أتجنبها قد ما أقدر حتى مرت أبوي لمن تضايقني والله إني أسمع الكلمة وأسكت ولا أتوقع من أحد إنه يسوي كذا كل إللي حولي يعرفون الله ويخافونه مستحيل أحد يبيع دينه عشان إيش رجعت البيت غيرت ملابسي ونمت وقتها شفت رؤية شفت إني كنت في بيتي القديم وصلتني هدية من مكة المكرمة في كيس أسود ومكتوب عليه مثل التعليمات في الكيس مكتوب وكأنني أخبرت أن هذه هي عقد السحر ففكها أنت معايا وجلست في مكان وفكيت الكيس وبديت آخذ العقدوأقرأ عليها المعوذات ويخرج منها دخان وتحترق والخيوط اللي فيها تحترق وبعدين كبيت عليها من مويه زمزم وشوية للخيوط تتبخر وتتلاشى طبعا هذا في الحلم صحيت وأنا في راحة عجيبة طبعا أنا متفائلة فيها لأني أشوف فيها هم وبينفرج إن شاء الله وفسرت الرؤية وكان التفسير عقد سحري كان فكك تماما وأبشري بخير كثير بعد ما شفت هذيك الرؤية والتباشير فيها واضحة وضوح الشمس عرفت إن ربي معايا وما راح يضيعني سواء كنت مسحورة ممسوسة معيونة أو أي كان المرض كل ما حسيت بألم كل ما زدت يقين بالفرج وثقة بالله وبرحمته صحيح إنها مرت عليا لحظات ضعف واستوحشت من غرفتي ومن بيتنا ومن الأرض كلها وتمنت له وأطير أطير أبغى ذرة طمأنينة إذا كنتوا تنامون في غرفكم وأنتوا آمنين امدوا ربكم هذه نعمة كنت أخاف إن الشياطين يؤذوني توقعت إنهم يخوفون وإنهم ممكن يطلعوا لي فجأة ويقتلوني لكنهم ضعف أضعف من كذا بكثير بمجرد ما أنت ضعفت تقوى الشياطين في البدايةويخوفوني ويخيلون لي كنت أخاف منهم واللي يخاف منهم هذا هو المطلوب يلعبون في حسبته وقتها عرفت إن الإيمان بالله هو سلاحي أحاربهم فيه وقتها كيف أخلي وقتي كله عبادة التحقت بدار التحفيظ في الصباح وفي العصر كمان دار تحفيظ لما دخلت الدار الصباحي شفت بنات كثير في عمري طالبات علم ومعلمات شفت منهم العجب حسيت إني صغيرة قدامهم ولمدة سنة كاملة مداوموا على الرقية مرة من المرات حسيت طبعا خلاص الشيطان ضعف وانهد حيله حسيت بزي الشيء يمشي في رأسي فجأة انفجر وفي شيء سهل طبعا أنا كنت بره دخلت يدي من تحت ال آ الطرحة أشوف ما في شيء قال لي الشيخ لعل إنه خرج دومي على الرقية إلين ما تحسنت حالتي بشكل جدا واضح وصارت العبادات سهلة عليا بعد ما كانت جهاد ولا يومكم هذا وأنا مداومة على الرقية خرجت العين وانفك سحر التفريق وبقى العاشق الخبيث كان إللي أخرج العين وفك السحر قادر إنه يحرق لي هذا الخبيث وإنه يحميني من أي تجديد في السحر رمضان إللي راح في ليلة سبعة وعشرين دعيت ربي إنه يرجع لي زوجي والحمد لله خلال أيام اتفقنا على موعد الزواج أحداث الرجوع كانت فعلا معجزة لكني أتحفظ على ذكرى الأحداث لأسباب خاصة بيكون الزواج قريب إن شاء الله هذي القصة كتبت لكم فيها ألمي وكيف تجاوزته رغم إني ما زلت ألملم بقايا وآثار المرض في نفسيتي وفي صحتي لكن الحمد لله كان بعد الشدة إلا فرج هاذي قصتي نموذج بسيط   وحالتي تعتبر بسيطة ونوع واحد من أعمالهم السحر طالعوا نفسكم أنتوا بعافية احمدوا ربكم على النعمة الي انتوا فيا ( النهايــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــة)