أخر الاخبار

قصة اليوم (زوجي سافر و تركني ) ( الجزء الثالث )

مكملين سوا ..........................................................

(زوجي سافر و تركني ) ( الجزء الثالث )



......................................( زوجي سافر و تركني ) ....................................

وجاوبته إنه صديقتي اشتكت لي من زوجها وإني اتضايقت وبكيت عليها وواضح إنه زوجي ما صدقني لكنه تجاهل الموضوع بعد ثلاث أيام تقريبا دق عليا نايف رديت عليه وقلت له امسح رقمي ولا تراني بغيره قال أنا عند بيتكم وشفت زوجك طالع ودقيت عليك وقام يحلف إنه ما يبغى شيء غير إنه يشوف بنتي ويشرح لي إيش اللي صارقمت أفكر ووافقت إني أقابله وقلت له ابعد عن البيت دحين وخلاص بكرة بأشوفك روح أنت بس وفعلا جاء بكرة وكنت خايفة من ربي كنت متوترة وخايفة من زوجي كمان وقلبي كان يدق بس قلت بأسوي أي شيء عشان أعرف ليش أبى أشوف ليه باعني وعشان كمان أرتاح ويرجع ويرتاح قلبي جاء المغرب وقلت لزوجي أنا بطلع للمول قال خلي بنتك عند أمك أحسن قلت لا صاحبتي متواعده معايا في المول وتبغى تشوف بنتي قال اللي يريحك نزلني زوجي عندي المول وراح لأنه معزوم على زواج وقلت له لا تشيل همي أنا برجع يا مع صاحبتي أو مع أحد من إخواني أول ما راح زوجي دقيت على نايف وهو واضح من صوته إنه مبسوط مره وباين من صوت الفرحة عكسي أنا كنت خايفة وبنفس الوقت كنت مشتاقة إني أشوفه قال أنا قريب من البوابة أنتي اللي معاكي بنت لابسة جاكيت وردي قلتي أيوه قال تعالي للسيارة جيب سودا قدامك على اليمين التفت وشفت سيارته لكن هو ما كان واضح مشيت وأنا أرجف ركبت حتى سلام ما سلمت حرك هو على طول وراح في مكان كذا شوية ظلام وما في أحد طبعا طول الطريق أنا ما طالعت فيه بعكسه هو أعرف إنه قاعد يطالع فيني أول ما وقفنا قلت له يلا بسرعة اشرح لي إيش اللي صاربسرعة خليني أروح أنا ماني مرتاحة وأنا جالسة جنبك كذا وبخلوة قال طيب بس أعطيني ملاك ومديت له بنتي جلس يبوس ويضم فيهاويقول تشبهك والله تشبهك وأنا للحين ما طالعت فيه ولا أبغى أطالع قال آه يا قلبي بحضني الحين بنت كنت أتمناها من دمي ولحمي وصوته بدأ يختفي قلت أنتي اللي سويت كل هذا جتني جرأة وطالعت فيه وجات عيني في عينه وقلت له ريحني إيش صار هذيك الليلةقال بأقول لك كل حاجة تتذكرين لما كنتي بالمطبخ وجيتك مهموم كنت شاكة إنه معايا مرض وكنت ماخذ موعد إني أروح أحلل قلت لك تدعي لي ورحت حللت وصار اللي كنت خايف منه طلع معايا هذا المرض انهرت وما عرفت إيش أسوي وضاقت فيني الدنيا بعدها فكرت وقلت ليش أبليك معايا أنتي لسه صغيرة وخليتك تروحين بدربك وأنا قلبي يتقطع ورحت سافرت للعلاج وما كان عندي أمل أبدا إني أتشافى لكن قدرة ربي سبحانه وتشافت مع إن الأمل كان ضعيف ولما رجعت للديرة كنت جاية أبغى أفهمك وأعتذر منك وأقول لك إيش اللي صاروأعتذر من أهلك لكن عمتي صدمتني إنك متزوجة وقبل فترة جاتك بنت ما عرفت إيش أسوي بس قلت لازم أبرر لك وتعرفين إيش اللي صارعشان ما تجلسين طول العمر ما تدرين إيش السالفة والحين أنتي عرفتي بكل حاجة وأتمنى إنك تسامحيني قلت مسامحتك بس ليش ما علمتني كان سافرت معاك وقفت جنبك ووقفت معاك فترة علاجك قال كنت خايف إني ما أتشافى وأبهذلك معايا قلت له عذر أقبح من ذنب وقام يبكي بكى يقطع القلب بنتي خافت من بكاء وقامت تبكي معاه على طول شلت بنتي من حضنه وقلت خلاص عرفت السبب الحين وأنت تزوج وشوف حياتك وكنت أقول هذا الكلام وأنا من داخله أتقطع قلت له رجعني للمول رجعني وهو ساكت ونزلت بدون ما ألتفت له حتىرحت البيت مع أخويا وأنا نفسيتي قالبة رحت لأهلي أسبوعين وبعدها طلبت الطلاق وزوجي كان يبغى يعرف السبب قلت له أنا ما قدرت أحبه وما نسيت نايف وطلقني وصار يجي زوجي كل يومين يشوف بنته ويطلعها معاه وتوه قبل أمس خطبني نايف. ودي أوافق وأنسى كل الألم وما ودي أوافق خوف من التجربة مع إنه للحين شاريني ويبغاني  . ارائكم (النهايـــــــــــــــــــــــــــــــــــــــــــــــــــــــــــــــــــــــــــــــــــــــــــــة )

المصدر : قصص رون /// قناة اليوتيوب للكاتبة رون ( أضغط هنا )

الجزء الاول : أضغط هنا
الجزء الثاني : أضغط هنا
الجزء الثالث : أضغط هنا




انتهى الموضوع شكرا (لك / لكِ)
تعليقات



حجم الخط
+
16
-
تباعد السطور
+
2
-