قصة الـثقـــة الزائــــدة الجزء الثاني

وجلست أعتذر له صدق إني غبية كنت معاه كثير كثير طبعا أنا شخصية جدا حساسة مو عشانه بس كنت أعتذر أنا واحدة ما أحب أزعل أحد ذي طبيعتي أنا أعطي أهمية لمشاعر الآخرين بشكل مبالغ فيه أكثر من نفسي لكن الإنسان لازم يوزن صراحة مين اللي يستحق هذا الشيء طبعا أنا ما كنت أستوعب وما كان عندي وعي تقريبا بعد ما كملنا سنة كاملة كلام وسوالف في أعداد ثانية كانت تصير أختي رجعت تلعب هي وبنت خالتي وطبعا أنا كنت منشغلة بالدراسة المهم بنت خالتي عندها أسلوب لما تزعل بتصير ما تتكلم معاك وتعاملك بأسلوب زفت حتى لو أنتي ما تعرفين إيش صاير إلين مرة كنت أكلمها وأشوف أسلوبها زفت معايا أنا مرات كثير أعتذر لها أفكر إني أنا مسوية لها حاجةأ رسل لها رسائل اعتذار طويلة معروض ملكي وأرسل لها كلام وأقول لها إن هي كيف غالية على قلبي وإني أنا ما أحب أشوفها زعلانة و و و وطبعا ترد لي ببرود ما في شيء طبعا إلين مرة طول الوضع البنت لسه زعلانة وما أدري إيش السالفة رحت سألت أختي إذا بنت خالتي زعلانة كمان منك ولا كيف وبعدها اكتشفت إنها فعلا حتى هي زعلانة على أختي يعني هي سوت تحديد الكل زعلت مني ومن أختي وما ندري إيش السالفة وأختي برضه اعتذرت لها مع إن الصدق ما كان شيء زعل وفي الواقع هي تسوي أشياء أكثر من الشيء اللي زعلت عليه لكنه كنا إحنا نعدي الموضوع عشان علاقتنا تبقى قوية لكن للأسف ما بقت طبعا بعد اعتذار أختي كان وضعنا طبيعي كلنا نسولف مع بعض قلت لها طيب ليش سويتي تحديد الكل أنا ما كنت مسوية حاجة طبعا أنا قلتها كمزحة كذا بس كنت أبغاها تفهم إن اللي سوته مو صح مشينا السالفة وعدى الوضع طبعا أنا وقتها انشغل كثير وكنت أرسل لها أحيانا مقاطع وأمنشنها على أشياء إلا يوم جت عندي تقول لي لا ترسلي لي شيء أنا استغربت قلت لها ليش طبعا هي أسلوبها كان سيء معايا نوعا ما قلت لها إيش في ليش إيش صاير وقلت لها يعني إحنا نعز على بعض ولو مرة زعلتي مني صارحيني ليش كذا قالت لا مو زعلانة بس لأني ماني أشوف قصدها ما تشوف الأشياء اللي قاعدة أرسلها مشيت الوضع وكالعادة أرسل لها كلام طويل عريض وترد علية أببرود أنا زي ما قلت لكم أنا شخصية حساسة مرة وجد أبكي على أشياء كثير بسيطة بس إنها تأثر في نفسيتي المهم إنه أسلوبها كان مستمر بطريقة غريبة وأحيانا ترجع طبيعي يعني البنت تفصل مرة كذا ومرة كذا بس هذيك الفترة أنا وضعي وحالتي النفسية أصعب بكثير يعني كانت تجيني نوبات هلع وكان عندي بداية قلق وكان أسبابها كثير لكن الحمد لله تقربي إلى الله بأدعية وإني أقرأ قرآن كثير خلى وضعي يتحسن للأفضل لكن خلال هذيك الفترة ومع نفسيتي وكيف كانت بنت خالتي تعاملني بأسلوب غريب أوقات أروح أعلم هذاك الشخص وأقول له ما أعرف إيش صاير ووو وعلى بالي يعني إني قاعدة أفضفض المهم استمر الوضع إلين ما جاء الاختبارات النهائية كان فيه مشاكل معاه وهو طبعا من ناحيته صار عنده مشاكل عائلية امتدت المشاكل بيننا مرة وطبعا من دائما يعتذر أنا جات مرة وسلمت أحد المشاريع في الجامعة وصورت معاه مشروعي ورسلت لأهلي وأخواتي وكل العيلة ومبسوطين معايا ويباركولي طبعا من ضمن الناس اللي أرسلت لهم المشروع حقي وأنا متصورة معاه بنت خالتي مع العلم إني نادر أرسل شيء على السناب لكن إيش كان ردها إنها تفتح وتطنش أنا استغربت رحت سألتها شفتي إيش رسلت لك ع سناب لأني أنا كان في بالي إيش إنها فتحت وما انتبهت لكن إيش قالت لي قالت أيوه شفت بس هذا كان ردها وقتها ما عرفت عقلي في شيء ولا اسلوبها فعلا غلط استغربت وجاء مرة وخشيت ألعب اللعبة اللي دائما نلعبها وصادف إن بنت خالتي أون لاين مع هذاك الشخص طبعا لمن دخلت بنت خالتي ما عبرتني ولا كأني موجودة ولا نادتني ولا أرسلت لي طلب كأنه شخص عادي مع العلم ماهية أول مرة تسويها فيني كثير أحيانا أرسل لها تفصل أحيانا أكلمها وأطنشني وقتها قلت لازم أنا أبادر كالعادة يعني وتطنشني ما زلت لا قلت خليني نلعب مع بعض طبعا وقتها أنا كانت واصلة معايا وكنت متأثرة من اللي صاير رحت لهذاك الشخص اللي دائما أكلمه رحت له وعصبت وحطيت الحرة كلها فيه كنت مرة معصبة وقلت كلام وقتها عصبية قلت شكلها باعتنا أنا كنت نكرة وجودي ما يفرق ويلا كملوا العبوا لحالكم طبعا كلامي ما كان مباشرة بالشكل هذا بس الكلام كان بالتدريج يعني كلمات من نفس هذا النوع طبعا هو كان يمشي كلامي ويسلك لي ويقول ترى أنا ما لي دخل في اللي صاير بينكم ليش قاعدة تعصبين عليا روحي كلميها وعصبي عليها أنا ما لي دخل في اللي صايرقلت طيب طبعا أنا كنت نار من العصبية رحت وقلت لها أنتي إيش فيك إيش فيك بايعتني يعني ما أفرق عندك  وهي على طول ردت قالت خير بعدها قالت لي كلي خلينا نقول تبي اهدأ شوية بس هي ما قالت أنتوا عارفين إيش قالت انصدمت لأنه عيب تقول لي كذا تشدينا شوية بالكلام وبعدها من اللي اعتذر أنا اعتذرت بعد ما اتناقشنا طبعا هي ما قالت شيء ما بررت هي بس قالت إني أنا ما سويت شيء غلط وإني أنا الغلطانة قلت لها ترى تصرفاتك مرة غريبة معايا وجبت لها سيرة السناب سناب اللي أرسلتها مع مشروعي لا هو ما ردت قالت لي يعني أنتي راسلة وجهك مرة من قريب ومرة من بعيد إيش تبغاني أقول لك واول مرة جميلة استغربت قلت هي مشروعي إنجازي قالت ما أدري ما أدري شفت صورتي بس أنا وقتها أخذت كلامه وحطيته على قلبي وسكتت وقلت علاقتنا ما تسوى نسوي مشاكل زي كذا وما استنيتها تبرر قمت واعتذرت منها وقلت لها أنا نفسيتي صايرة تعب وما تحكمت بنفسي وقلت كلام غلط في وقتها عصبية واعتذرت كثيرإلين ما قالت بعدين نتفاهم ووقفنا كلام طبعا بعد ما خلصت من بنت خالتي رحت لهذاك الشخص واعتذرت منه بما إني عصبت عليه كمان صراحة مع إنه تقدرون تقولون أنا ما كنت أوجه له الكلام أنا كنت أتحلطم عنده لكني اعتذرت قال لي بعد ما حليت المشكلة جيتي قال اسمعي أنا أبغى فترة صراحة ما أبغى أكلمك كذا أسبوع شهر طبعا وأنا أجلس أعتذر وأعتذر وقال إن أنا ظروفي ونفسيتي صراحة هذي الفترة مرة ماني ناقصة أحد يكلمني طبعا أنا انفجرت وعصبت لكني قلت له اخذ راحتك واعتذرت إلى آخر لحظة اليوم الثاني برضه رحت أعتذر منه لأني حسيت إني بالغت وحسيت بتأنيب الضمير عشاني عصبت عليه قال كلام صدمني وغيره في حياتي قال لي ترى أنا كلمت بنت خالتك وكلنا معصبين بالعربي ما أتحمل وراح يفضفض عندها وقدامي كان ملاك ساكت أو يسلك لي بحصل خير قال لي ترى أنا رحت عند بنت خالتك وقلت لها إيش قلتي عنهاطبعا الكلام اللي أنا قلته عنده نفس الكلام اللي رحت وقلته لها طبعا أنا كنت معصبة ورميت كم كلمة غلط نفس إنه هي باعتنا وذا أسوء شيء قلته طبعا اعتذرت كثير وما كان في أي فايدة وقتها حسيت إني أنا سم مؤذي لهم وكنت أبكي كثير أحس إني أنا إنسانة مؤذية بدون مبالغة كان البكاء شيء رسمي عندي مرة أسبوع هالسالفة ووقتها ما قدرت إني ما أكلم قريبتي رحت قلت له إني أنا آسفة واعتذرت لها برسالة أسف طويلة طبعا هذي المرة كان أسلوبه الرد غير كان أقوى قالت لي يعني الواحد والله ما يعرف إيش يقول عرفت إن الواحد ما يقدر يثق بأقرب الناس له أنا كنت مصدومة إيش صاير قالت تعرفين لما كنت أكلم هذاك الشخص كانت سوالف عادية لكنه قال شيء وصدمني حبيبتي إذا تبغين ترسلين صورة لنفسك ارسليها لكن لا ترسلين صورة ثانية بدون ما تستأذنين طبعا قصدها على الصورة اللي بالحجاب أنا وياها ورجعت فيني الذاكرة للموقف هذاك وصرت أعتذر كثيروقلت لها إن هو أصر وما كنت بأرسل وصرت أبرر لها وقلت لها إن هو أقنعني بعد ما أرسل لي صورة لك أنتي قالت أنا أرسل صورة وأنا عارفة شكلي فيها وكيفي لكن ما ترسلين شيء من وراي توبة أول وآخر مرة وجد ما كان عندي نية إني أجي وأرسل صورتك مع العلم إن الصورة كانت بعيدة هي فيها وكانت بإلحجاب وكلنا كنا متحجبين زي ما قلت طبعا أنا جلست أعتذر وأعتذر وأعتذر وفي النهاية هي قالت حصل خير طبعا لو تركزون في الكلام اللي فوق وأنا أبرر البنت خالتي وقلت لها إني أنا ما أرسلت الصورة إلا بعد ما هو أقنعني ووراني صورة لك جاء هو عندي بكل بجاحة وقال أه واحدة بواحدة قاصدة إني قلت لبنت خالتي إن هو ترى يرسل صورة يعني في باله يحسب إن همي أنتقم منه وأنا في الحقيقة همي بنت خالتي مو هو طبعا هو جاني واعتذر مني إنه قال بنت خالتي عن الصورة لكن اعتذاره كان ع الطاير لأنه ببساطة إني أنا وحدة سهلة وأرضى بسرعة وما أحقد ولا آخذ بخاطري طبعا وقتها أنا كنت مكسورة كل أهلي لاحظت فراقنا إحنا وبنت خالتي وإنا صرنا ما نتواصل ولا نتقابل نفس قبل طبعا ما حد عارف إيش السالفة ولا الموضوع هذابس يعرفوا إن إحنا زعلانين ويحسبون الزعل من هرجة أختي الصغيرة تتذكرون لما بنت خالتي سوت تحديد الكل أنا ما قلت إيش السبب لكن أنا سالفة عادي الأهل يعرفون عنه فالكل ربط إنه زعلنا من هذيك الفترة حتى أختي الصغيرة قاطعتها طبعا بعد فترة هو ما شاء الله يحتاج شهرعشان ظروفه ما يبغى يكلم أحد وأنا عقلي فوضى كنت بين فترة وفترة أروح وأعتذر البنت خالتي طبعا اكتشفت إن اللي بينهم مو سوالف عاديةهو كان يعصب مني فكان يعطيها سلاح ضدي ويرسل لها الصورة اللي حفظها بدون إذني بعدين يقول أنا ما توقعت إنها تعصب كذاالموضوع كان ملخبط طبعا هو قطعني فترة وبنت خالتي كمان قطعتني ما كان حتى يسأل عني ولا شيء يعني تعرفون أنا الظالمة بنظره ولازم يعاقبني لأني أنا اتحلطمت ( يتبع )